اسلام آباد ۔ 7 فروری (اے پی پی) وزارت اوورسیز باہرلے ملکاں اچ ونجنڑ آلے محنت کشاں کوں بائیو میٹرک سسٹم نال منسلک کر تے ایجنٹاں ولوں انہاں دے استحصال کوں ختم کر ڈتے، باہرلے ملک ونجنڑ آلے سارے محنت کشاں دا مکمل ڈیٹا ہنڑوزارت کنوں موجود ہوسی۔ انہاں خیالیں دا اظہار وزیر اعظم دے معاون خصوصی سمندر پار پاکستانیز ذوالفقار عباس بخاری ”اے پی پی“ نال گالھ بات کریندے ہوئیں کیتے۔ انہاں آکھیے جو جڈاں توں اساں باہرلے ملکاں اچ ونجنڑ آلے محنت کشاں سانگے بائیو میٹرک سسٹم شروع کیتے ،سسٹم اچ تکھے کم تھیندا پئے ،کیونجو سسٹم اچ ہر شئے دی ٹریکنگ کیتی ویندی ہے۔ انہاں آکھیے جو پہلے اساڈے کنوں کہیں بندے دا کوئی ڈیٹا کائنی ہوندا ہا ،اج دے زمانے اچ ڈیٹا وڈی اہمیت رکھیندے ، بئے ملک ڈیٹا حاصل کرنڑ سانگے ارباں روپے خرچ کریندن، ڈیٹا سسٹم دے ذریعے ورکراں تے انہاں دے خاندان دی پوری تفصیل تئیں اساڈی رسائی ہے جو کوئی ورکر کڈاں تے کتھاں گیا اتے ایندی فیملی کتھاں راہندی ہے، اتے ایندی ملک اچ کتنی آمدن آندی پی ہے۔ معاون خصوصی آکھیے جو جڈاں معاملات اچ شفافیت آندی ہے تاں ایجنٹاں دا کردار گھٹ تھی ویندے ، ایجنٹ لوکیں دااوں ٹائم استحصال کریندن جڈاں انہاں کوں کہیں کم دی آگاہی نی ہوندی ۔ باہر ونجنڑ آلے ورکراں کوں اپنڑے حقوق دا جتنا ودھ علم ہوسی ایندی مد د نال اوہ اپنڑے استحصال توں بچ سگسن۔ بائیو میٹرک سسٹم غریب لوکیں سانگے وڈی سہولت ہے، ہنڑپورے ملک اچ بائیو میٹرک سسٹم دی سہولت موجود ہے ,جتھاں ورکر خود کوں رجسٹر کراسگد ن ۔
وزیراعظم دے معاون خصوصی سمندر پار پاکستانیز ذوالفقار عباس بخاری دی ”اے پی پی“ نال گالھ بات
مضمون کا ماخذ : کمپیوٹر لاٹری کا ٹکٹ
متعلقہ مضامین
.jpg)
