اسلام آباد ۔ 11 دسمبر (اے پی پی) وفاقی وزیر اطلاعات و نشریات چوہدری فواد حسین مختلف ٹی وی چینلزتے میڈیاں توں صحافیاں دیاں برطرفیاں تے انہاں کوں تنخواہیں دی عدم ادائیگیاں دی صورت حال تے تشویش دا اظہار کریندے ہوئیں یقین ڈیوائے جو حکومت ایں سلسلے اچ اے پی این ایس اتے صحافیاں دیاں متعلقہ تنظیماں دے رلے ایں مسئلے کوں حل کراونڑ اچ ممکن کردار ادا کریسی ‘ مختلف ٹی وی چینل اتے اداریں پرویز مشرف‘ پیپلز پارٹی اتے نواز شریف دے دور اچ 7ارب روپے دے بقایا جات دا کلیم کیتا ،7ارب روپے اچوں اداریں دی ہک ارب 30کروڑ روپے رقم تصدیق شدہ اے ۔اوکھے حالات دے باوجود صحافیاں کوں ریلیف ڈیونڑ کیتے وفاق تے پنجاب دی صوبائی حکومت 46کروڑ روپے دی رقم ریلیز کیتی اے ۔ منگل کو ںرلیمانی رپورٹرز پریس گیلری توں مختلف ٹی وی چینل اتے اداریں ولوں صحافیاں تے ورکرز دیاں برطرفیاں تے تنخواہیں دی عدم ادائیگی دی صورتحال تے واک آﺅٹ کیتا۔ ایں تے حکومت ولوںوفاقی وزیر اطلاعات و نشریات چوہدری فواد حسین‘ پارلیمانی سیکرٹری عندلیب عباس اتے زرتاج گل پریس لاﺅنج اچ گال مہاڑ کیتے آئے ۔ایں موقع تے پی آر اے دے صدر قربان بلوچ‘ نائب صدر ارشد وحید چوہدری‘ سیکرٹری بہزاد سلیمی اتے بئے سینئر صحافیاں وزیر اطلاعات و نشریات کوں ساری صورت حال بارے ڈسایا ۔فواد چوہدری آکھیا جو پی ٹی آئی صحافیاں دے نال پوری یکجہتی دا اظہار کریندی اے ۔ مختلف ٹی وی چینل تے اداریں پرویز مشرف‘ پیپلز پارٹی اتے نواز شریف دے دورا چ 7 ارب روپے دے بقایا جات دا کلیم کیتے ۔انہاں آکھیا جو پرنسپل انفارمیشن آفیسر (پی آئی او) سرکاری اشتہارات دی نگرانی کریندن ۔ اساڈا کلائنٹ ادارہ کائنی بلکہ ایڈورٹائزنگ ایجنسی اے۔ 7 ارب روپے اچوں اداریں دی 1.3 ارب روپے رقم تصدیق شدہ اے۔ حکومت اے رقم صحافی بھراواں تے میڈیا ورکرز کوں ریلیف دی غرض نال ریلیز کیتی اے ۔اوکھے حالات دے باوجود اساں ادائیگی کیتی اساں اے رقم کفایت شعاری نال جمع کیتی ہئی او اساں ذرائع ابلاغ کوں ڈتی ۔ وفاقی وزیر اطلاعات و نشریات چوہدری فواد حسین دے یقین ڈیواونڑ تے پارلیمانی رپورٹر واک آﺅٹ ختم کرتے پریس گیلری اچ واپس آگے ۔
وفاقی وزیر اطلاعات چوہدری فواد حسین دی پارلیمانی رپورٹر ایسوسی ایشن نال گال مہاڑ
مضمون کا ماخذ : بہت کچھ
متعلقہ مضامین
.jpg)
