اسلام آباد ۔ 6 دسمبر (اے پی پی) وزیراعظم عمران خان آکھیے جو افغانستان اچ سیاسی مذاکراتی عمل دے ذریعے امن دے قیام دے حوالے نال پاکستان دے موقف دی توثیق تھئی اے ۔اج ”ڈومور “ دے مطالبے دی بجائے افغانستان دا پرامن حل تلاش کرنڑ اچ اساڈا تعاون منگیا ویندا پئے ،ہنڑ کہیں بئے دی جنگ لڑنڑ دی بجائے پاکستان ثالثی دے ذریعے تصفیہ اچ اپنڑاں کردار ادا کریسی۔، یمن اچ امن دے حوالے نال وی اپنڑاں کردار ادا کرنڑ دی پوری کوشش کریسوں ،سارے مذہب دے لوکاں کوں انہاں دی عبادت گاہیں تئیں رسائی فراہم کرنڑ پاکستان دی ذمے واری اے ، سکھ برادری کرتارپور راہداری دی بہوں تعریف کیتی اے امیداے جو بھارت وی مثبت جواب ڈیسی،اگر اقتصادی صورت حال بری ہوندی تاں ملک اچ کوئی غیر ملکی سرمایہ کاری نہ آندی۔اوکھے حالات دے باوجود اساڈی معاشی ٹیم کارکردگی دا مظاہرہ کیتے ۔انہاں اے گال خمیس کوں وزیراعظم آفس اچ وفاقی کابینہ دے اجلاس دی صدارت کریندے ہوئیں آکھی ۔وزیراعظم آکھیا جو امریکااے گال پہلی واری منی اے جیرھی پاکستان تحریک انصاف ہمیشہ اکھیندی رہی اے جو افغانستان دے مسئلے دا کوئی فوجی حل کائنی ۔وزیراعظم یاد ڈیوایا جو افغانستان اچ امن عمل دے حوالے نال افغان مصالحت کیتے امریکی نمائندہ خصوصی زلمے خلیل زاد نال انہاں دی ملاقات تھی تے انہاں کوں خوشی تھی اے جو تحریک انصاف دے موقف کوں من گھداگے۔ کرتار پور راہداری کھولنڑ متعلق وزیراعظم عمران خان آکھیا جو بدقسمتی نال بھارت خیر سگالی دے اساڈے جذبے کوں سیاسی فائدہ حاصل کرنڑ دا رنگ ڈتے ۔ انہاں وزارت خزانہ ، تجارت اتے منصوبہ بندی دے کردار دی تعریف کریندے ہوئیں آکھیا جو اساں اپنڑاں کردار ادا کیتے تے اساں اوکھے حالات توں نکلیوں ۔انہاں آکھیا اساڈے مخالفین خراب حالات ڈسیندن لیکن ڈوجھے پاسے وڈے پیمانے تے سرمایہ کاری آندی پئی اے۔انہاں آکھیا سوزوکی ولوں 450 ملین ڈالر، کوکا کولا توں 200 ملین ڈالر ، پیپسی توں400 ملین ڈالر ، ایگزن موبائل کمپنی توں بہوں جلدی 200 ملین ڈالر اتے جے ڈبلیو فور لینڈ توں 900 ملین ڈالر دی سرمایہ کاری دے عندیے دا ذکر کیتا ۔ وزیراعظم آکھیا جو ملک اچ غیر ملکی سرمایہ کاری گھن آونڑ دیاں انہاں کوششاں دا سہرا اقتصادی ٹیم دے سر تے ویندے ۔
افغانستان اچ سیاسی مذاکراتی عمل دے ذریعے امن دے قیام دے حوالے نال پاکستان دے موقف دی توثیق تھئی اے ۔ وزیراعظم عمران خان دا وفاقی کابینہ دے اجلاس نال خطاب
مضمون کا ماخذ : میگا ملینز کا بونس
متعلقہ مضامین
.jpg)
