جہلم۔18 نومبر(اے پی پی )وفاقی وزیر اطلاعات و نشریات چوہدری فواد حسین آکھیے جو اپوزیشن چاہندی اے جو کوئی نہ پچھے کہ ارباں روپے کتھاں گین،کل تئیں سائیکل تے دھکے کھاونڑ آلے اج ارب پتی کیویں تھی گین،چور ڈاکو اتے کرپشن دی گالھ کرو تاں اپوزیشن واک آﺅٹ کرویندی اے،کھرباں دا حساب منگنڑ تے جمہوریت کون خطرہ پئے ویندے،لوکاں کون پیونر دا پانڑی نئیں ملدا پر حکمران میٹروجھیں وڈے منصوبیاں دا شوق پورا کریندن، جئیں ملکی خزانہ خالی کیتے انہاں دے پیسے ولا گھن ا ٓسوں،ملک کوں فلاحی ریاست بنڑاونر کیتے وسائل دی منصفانہ تقسیم کرنڑی ہسوی،اینجھا نظام گھن آسوں جو سرکاری پیسہ عام آدمی دی مرضی نال خرچ تھی سگے،عوام نال کیتے گئے سارے وعدے پورے کریسوں۔ اے گالھ وفاقی وزیر اطلاعات و نشریات چوہدری فواد حسین جہلم دے نواحی علاقے فتح پوراچ ورکرز کنونشن نال خطاب اچ آکھی اے۔انہاں دا آکھنڑ ہا جو پی ٹی آئی دی حکومت بہوں مسلیان دے باجود درست سمت اچ ویندی پئی اے، مالی خسارے ، معاشی بحران اتے بیاں مشکلان توں قابو پاونڑ کیتے وزیراعظم دی اگوانڑی اچ کیتے گئے اقدامات دے چنگے نتائج نکلدے پین،سعودی عرب اتے چین توں بعد یو اے ای دا دورہ وی کامیاب راہسی، امیداے جو دوست ملکاں دی مدد نال آئی ایم ایف دے اگوں مستقبل اچ زیادہ دیر ٹھوٹھا نہ چاونڑا پوسی۔ انہاں دا آکھنڑ ہا جو عوام پی ٹی آئی دی حکومت کوں مسلیان دے حل، کرپٹ لوکاں دے احتساب اتے معاشی بھران تے قابو پاونڑ دا مینڈیٹ ڈتے اتے عمران خان عوام نال کتیا گیا ہر وعدہ پورا کریسن۔
جئیں ملکی خزانہ خالی کیتے انہاں دے پیسے ولا گھن اسوں ،عوام نال کیتے گئے سارے وعدے پورے کریسوں،وفاقی وزیر اطلاعات و نشریات چوہدری فواد حسین داجہلم دے نواحی علاقے فتح پوراچ ورکرز کنونشن نال خطاب
مضمون کا ماخذ : estatisticas lotomania
متعلقہ مضامین
.jpg)
