راجن پور۔6نومبر(اے پی پی )روجھان مزاری دیاں ڈو بھینڑیں ڈاکٹر ریشماں مزاری اتے ڈاکٹر ریمامزاری وٹہ سٹہ دی رسم توں جان چھڑاونڑ تے وفاقی وزیر اٰنسانی حقوق ڈاکٹر شیریں مزاری دا شکریہ ادا کریندے آکھیے جو مخالفین توں جان دا خطرہ ہا،اج تحفظ اتے آزادی محسوس تھیندی پئی اے۔انہاں آکھیے جو سوشل میڈیا تے فریاد توں بعد ڈاکٹرشیریں مزاری معاملہ دا فوری نوٹس گھدے اتے ضلعی انتظامیہ کو ں معاملہ حل کرنڑ دی ہدایت کیتی جیندے تے اے مسلہ حل تھی گئے۔انہاں آکھیے جو ساڈے علاقے اچ جاہلانہ رسماں لوکاں دا جیونڑ اوکھا کیتا ہوئے، تریمتیں کیتے سب توں ودھ جیونڑ اوکھا کرڈتا گئے، تعلیم اتے شعور نہ ہوونڑ پاروں تریمت کوں روجھان جھیں علاقے اچ جوان تریمتیں کون اپنڑی ملکیت سمجھدن،جیہڑا افسوسناک اے۔انہاں آکھیا جو اساں سوشل میڈیا دے ذریعے اپنڑے حق دی آواز چاتی اتے بنھاں کون وی حقوق ڈسائن اتے اج ظلم توں آزادی گھدی اے۔جاگن خان مزاری ااتے اوندے بھرا نصیر احمداچ وٹہ سٹہ اتے زمین دا تنازعہ ہا جیندے تے جاگن مزاری دیاں ڈو بھینڑیں ایندے تے پریس کانفرنس کیتی اتے اپنڑا مسلہ سوشل میڈیا تے وی چاتا جیندے بعد انسانی حقوق دی وزیر ڈاکٹر شیریں مزاری واقعہ دا نوٹس گھندے ہوئیں ڈی پی او راجنپور،ڈپٹی کمشنر راجنپور ڈی ایس پی روجھان اتے اے سی روجھان دی کمٹی بنڑائی جئیں فریقین اچ صلح کروا تے تحریری معاہدہ کرائے۔
راجنپور دیاں ڈو ڈاکٹر بھینڑیں دی فریاد سنڑی گئی،ڈاکٹر شیریں مزاری وٹے سٹے توں بچا گھدے
مضمون کا ماخذ : موبائل سے لاٹری کھیلیں
متعلقہ مضامین
.jpg)
