ڈپٹی چیئرمین سینیٹ دی یورو ایشیائی پارلیمنٹ دے اجلاس اچ شرکت دے موقع تے انڈونیشیا، تھائی لینڈ اتے بوسنیا اینڈ ہرزگوینیا دے وفد نال ملاقاتاں

DEPUTY CHAIRMAN SENATE, SALEEM MANDVIWALLA AND SPEAKER OF THE PARLIAMENT OF BOSNIA & HERZEGOVINA MR. SAFET SOFTIC LEADING THEIR RESPECTIVE DELEGATIONS DURING DELEGATION LEVEL MEETING AT THE 3RD MEETING OF THE SPEAKERS OF EURASIA COUNTRIES PARLIAMENTS (MSEAP) IN ANTALYA ON OCTOBER 10, 2018.

اسلام آباد ۔ 10 اکتوبر (اے پی پی) ڈپٹی چیئرمین سینیٹ سلیم مانڈوی والا یورو ایشیائی ملکاں دی پارلیمنٹ دے اجلاس اچ شرکت دے موقع تے انڈونیشیا، تھائی لینڈ اتے بوسنیا اینڈ ہرزوگوینیا دے وفد دے نال ڈو پاسے امور تے ملاقاتاں کیتیاں ۔ ڈپٹی چیئرمین سینیٹ یوروایشائی ملکاں دی پارلیمنٹ دے اجلاس اچ پاکستانی وفد دی قیادت کریندے پن ۔ وفد اچ سینیٹر محسن عزیز، خوش بخت شجاعت، نصیب اللہ بازئی، رکن قومی اسمبلی جنید انوار اتے عامر ایوب شامل ہن جڈاں جو ترکی اچ پاکستان دے سفیر ساجد قاضی وی وفد دے نال ہن ۔ یورو ایشائی ملکاں دی پارلیمنٹ دا اجلاس 8 توں 11 اکتوبر 2018ءکوں ترک شہر اناطولیہ اچ تھیندا پئے ۔ اجلاس دامقصد یورو ایشیا اچ پائیدار ترقی اتے معاشی رابطے کوں ودھارا ڈیونڑہے ۔ پاکستانی وفد انڈونیشیا دے ہاﺅس آف ریپریزینٹیٹو ڈاکٹر فادلزون نال ملاقات دے دوران انڈونیشیا اچ اجوکے زلزلے اچ قیمتی انسانی جاناں دے ضیان تے افسوس تے ڈکھ دا اظہار کریندے ہوئیں پاکستان ولوں ہر ممکن مدد دی پیشکش کیتی ۔ ڈپٹی چیئرمین سینیٹ سلیم مانڈوی والا تجویز ڈتی جو انڈونیشیاپاکستانیاں سانگے ویزہ دے نظام اچ سوکھ پیدا کرے تاں جو ہنر مندافرادی قوت انڈونیشیا اچ ونج سگے ۔ایں موقع تے تھائی لینڈ دی قومی قانون ساز اسمبلی دے وفد دے سربراہ دے نال ملاقات دے دوران ڈپٹی چیئرمین سینیٹ سلیم مانڈوی والا پاکستانی تہذیب و ثقافت متعلق ڈسایا جو بدھسٹ طبقے سانگے پاکستان دا شہر ٹیکسلا وڈاتجارتی مرکز اے۔ پاکستانی وفد بوسنیا اینڈ ہرزگوینیا دے وفد دے سربراہ سیفٹ سیفٹک دے نال ڈو طرفہ امور تے گال مہاڑ کیتی ۔ بوسنیا دے وفد دے سربراہ آکھیا جو اساڈے لوک پاکستان دے نال جذباتی وابستگی رکھیندن ۔ ڈپٹی چیئرمین سلیم مانڈوی والاآکھیا جوبوسنیا پاکستان دا دوست ملک ہے تے پاکستان بوسنیا دی ہر ممکن مدد جاری رکھیسی ۔

مضمون کا ماخذ : raspadinha acumulada