وزیراعظم عمران خان ہدایت ڈتی اے جو ریلوے دا 40ارب دا گھاٹا ختم کرنڑاں ہے،اگلے ہفتے لاہور ہیڈ کوارٹر اچ ڈو نویں ریل گاڈیاں دا اعلان کریسوں ،وفاقی وزیر ریلوے شیخ رشید احمد

APP05-23 RAWALPINDI: August 23 - Federal Minister for Railways Sheikh Rashid Ahmed talking to media persons during his visit to Railway Station. APP photo by Javed Qureshi

اسلام آباد ۔ 23 اگست (اے پی پی) وفاقی وزیر ریلوے شیخ رشید احمد آکھیے جو وزیراعظم عمران خان ہدایت ڈتی اے جو ریلوے دا 40ارب دا گھاٹا ختم کرنڑاں ہے ،ریلوے دے سارے ریسٹ ہاوس کوں پرائیویٹ سیکٹر سانگے کھول ڈیسوں ،اگلے ہفتے لاہور ہیڈ کوارٹر اچ ڈو نویاں ریل گاڈیا ں دا اعلان کریسوں ۔او خمیس کوں راولپنڈی ریلوے سٹیشن تے میڈیا نال گال مہاڑ کریندے پے ہن ۔وفاقی وزیر شیخ رشید آکھیا جو سواری گھٹ کائنی فریٹ دے پاسے توجہ ڈیونڑیں ہوسی ۔انہاں آکھیا ریلوے ادھا نیب زدہ ہے۔انہاں ڈی ایس ریلوے کو ں آکھیا جو خرچیں اچ وختی گھٹکی کرن۔شیخ رشید احمد آکھیا جو بہوں سارے پاکستانیاں بلٹ ٹرین سانگے اساکوں یقین ڈیوائے ،اساڈا پہلا ایجنڈا پشاور توںلاہور ریلوے ٹریک کوں ڈبل کرنڑاں ہے ،بسال جھنگ میانوالی اچ روڈ کائنی لیکن اتھاں وی ریلوے گھن تے ویساں ۔انہاں آکھیا جو ٹریک دے ڈوہیں پاسے درخت لاتے ویسن تے ریلوے دے سارے ریسٹ ہاوس وکامت سانگے موجود ہن ۔انہاں آکھیا وزیراعظم جیرھی کمیٹی بنڑیندے پن چاہنداں جو ریلوے دی زمین ایندے حوالے کر ڈتی ونجے ۔انہاں آکھیا گزریل حکومت دا ریلوے دا سنگل کوچز ٹینڈر کوں کل کینسل کریساں یا کابینہ اچ پٹھ ڈیساں ۔

مضمون کا ماخذ : سٹاربرسٹ