6 رکنی نگران وفاقی کابینہ بنڑ گئی،عہدیاں دا حلف چاءگھدے

APP13-05 ISLAMABAD: June 05 - President Mamnoon Hussain administering the oath of office to Abdullah Hussain Haroon, Muhammad Azam Khan, Dr. Shamshad Akhtar, Syed Ali Zafar, Muhammad Yousaf Shaikh and Mrs. Roshan Khursheed Bharucha as Federal Minister during the oath taking ceremony at the Aiwan-e-Sadr. Caretaker Prime Minister Justice (R) Nasir-ul-Mulk is also present. APP

اسلام آباد ۔ 5 جون (اے پی پی)چھی رکنی نگران وفاقی کابینہ بنڑ گئی،عہدیاں دا حلف چاءگھدے،صدر مملکت ممنون حسین نگران وزرا توں حلف گھدے۔کابینہ ڈویژن ولوں نوٹیفکیشن دے مطابق صدر مملکت ممنون حسین نگران وزیراعظم جسٹس (ر) ناصر الملک دی تجویز تے 6 وفاقی وزراءمقررکیتن،جنہاںایوان صدراچ عہدیاں دا حلف چاونر توں بعد قلمدان سنبھال گھدن۔عبداللہ حسین ہارون کوں وزارت خارجہ امور ،قومی سلامتی ڈویژن ڈتا گئے،او وزارت دفاع ،وزارت دفاعی پیداواروی سنبھلیسن۔محمد اعظم خان وزارت داخلہ ،کپیٹل ایڈمنسٹریشن اینڈ ڈویلپمنٹ (کیڈ) ڈویژن ، وزارت انسداد منشیات دے نال نال وزارت بین الصوابی رابطہ دا وی انتظام ڈیکھسن۔ڈاکٹر شمشاد اختر وزارت خزانہ ، محصولات و اقتصادی امور ، وزارت شماریات ، وزارت منصوبہ بندی ترقی واصلاحات دے نال نال وزارت تجارت و ٹیکسٹائل ، وزارت صنعت و پیداواردے امور سنبھلیسن۔سید علی ظفرکوں وزارت قانون انصاف پارلیمانی امور ،وزارت اطلاعات و نشریات ،قومی تاریخ و ادبی ورثہ دا قلمدان ملیے۔محمد یوسف شیخ کوں وزارت وفاقی تعلیم و پیشہ ورانہ تربیت ، وزارت صحت ، خدمات ، وزارت مذہبی امور و بین العقیدہ ہم آہنگی دا ودھیک چارج ملیے۔مسز روشن خورشید بروچہ کوں وزارت انسانی حقوق، وزارت امور کشمیر و گلگت بلتستان ، وزارت ریاستیں و سرحدی اموردا قلمدان ڈتا گئے۔

مضمون کا ماخذ : پاور بال کے نتائج