وزیراعظم دے مشیر برائے خزانہ، مفتاح اسماعیل دی قیادت اچ پاکستانی وفد دی آئی ایم ایف/عالمی بینک دی سپرنگ میٹنگ اچ شرکت

APP01-21 WASHINGTON: April 21 - Adviser to Prime Minister on Finance, Miftah Ismail leading Pakistan side at the US-Pakistan Business Council meeting. APP

اسلام آباد ۔ 21 اپریل (اے پی پی) وزیراعظم دے مشیر برائے خزانہ، ریونیو و اقتصادی امور ڈویژن ڈاکٹر مفتاح اسماعیل دی قیادت اچ پاکستانی وفد آئی ایم ایف/عالمی بینک دی سپرنگ میٹنگ 2018ءاچ شرکت کیتی اتے کئی ملاقاتاں کیتاں۔انہاں ملاقاتاں اچ جنوبی ایشیا کیتے عالمی بنک دی مندوب ایتھل سنھاﺅزر،جنوبی ایشیاءکیتے بینک دی نائب صدر سنیزینا سٹولج کویک نال ملاقاتاں شامل ہین۔ایں موقع تے وزیراعظم دے مشیر ایشیائی ترقیاتی بینک دے صدر تاکی ہیکو ناکاﺅ نال وی ملاقات کیتی۔انہاں ملاقاتاں اچ پاکستان دی معاشی صورتحال، شرح نمو اچ ودھارے، ودھدیاں برآمدات اتے معاشی ترقی دے اقدامات بارے تے گالھ مہاڑ کیتی گئی۔اے ڈی بی دے صدر وزیراعظم دے مشیر کوں ایشیائی ترقیاتی بینک دے آندے مہینے منیلا اچ تھیونڑ آلے بورڈ آف گورنرز دے اجلاس اچ شرکت دی وی دعوت ڈتی۔ افغان وزیر خزانہ اکلل حاکمی نال ملاقات اچ ڈوہاں ملکاں وچال باہمی تجارت کوں متاثر کرنڑ آلے مسلے تے گالھ مہاڑ کیتی اتے ہک ورکنگ گروپ بنڑاونڑ تے اتفاق کیتے جیندا پہلا اجلاس مئی اچ تھیسی۔ مشیر خزانہ عالمی بینک دے صدر ڈاکٹر جم یونگ کم دی سربراہی اچ گول میز مذاکرے دے شرکاءکوں پاکستان دے سڑک اتے خطے دے منصوبے دے ترقیاتی اثرات بارے ڈسایا۔

مضمون کا ماخذ : لاٹری جیتنے کی گائیڈ