اسلام آباد ۔ 18 ستمبر (اے پی پی) الیکشن کمیشن تحریک انصاف دے پارٹی فنڈنگ کیس دی سماعت 16 اکتوبر تئیں ملتوی کر ڈتی ہے جڈاں جو تحریک انصاف ولوں الیکشن کمیشن کوں ڈتی گی ڈیڈ لائن دے مطابق ست سال دے پارٹی فنڈنگ دی تفصیل جمع کرا ڈتیاں گیاں ہن ۔درخواست گزار اکبر ایس بابر آکھیا جو تحریک انصاف ولوں جمع کرایاں گیاں تفصیل نقلی تے نامکمل ہن ۔ سنوار کوں چیف الیکشن کمشنر جسٹس (ر) سردار محمد رضا دی سربراہی اچ5 رکنی بنچ اکبر ایس بابر دی درخواست دی سماعت کیتی ‘ الیکشن کمیشن ولوں گزریل تاریخ تے پی ٹی آئی کوں پارٹی فنڈنگ دی تفصیل جمع کراونڑ دی ڈیڈ لائن ڈتی گی ہئی جیں دے مطابق پی ٹی آئی 688صفحات تے مشتمل 7سال دی تفصیل جمع کرائی ۔اے تفصیل 2010توں 2017دیاں ہن ۔سماعت دے دوران پی ٹی آئی دے وکیل ثقلین حیدر چیف الیکشن کمشنر کوں آکھیا جو انہاں کوں پارٹی فنڈنگ دی تفصیل جمع کراونڑ دی رسید ڈتی ونجے جیں تے چیف الیکشن کمشنر کاوڑ دا اظہار کریندے ہوئیں آکھیا جو اساں اتھاں آڑھتی بیٹھوں چھے ۔اے ریکارڈ جمع کراونڑ تساڈی ذمے واری ہئی یا اساڈی ۔تساں ریکارڈ جمع کراونڑ دے پابند ہوکوئی رسید کائناں ملسی جڈاں جوپی ٹی آئی دے وکیل فیصل چوہدری چیف الیکشن کمشنر توں معذرت کرگھدی۔ چیف الیکشن کمشنر پی ٹی آئی دے وکیل توں پچھیا جو اے اوہا تفصیل ہے جو جیرھی تساں سپریم کورٹ اچ جمع کرائی ہے جیں تے انہاں ڈسایا جو اساں اتھاں ست سال دی تفصیل جمع کرائی ہے ۔ الیکشن کمیشن کیس دی سماعت 16اکتوبرتئیں ملتوی کر ڈتی ۔
الیکشن کمیشن تحریک انصاف دے پارٹی فنڈنگ کیس دی سنڑیج16 اکتوبرتئیں ملتوی کر ڈتی
مضمون کا ماخذ : raspadinha resultados
متعلقہ مضامین
.jpg)
