اسلام آباد ۔ 27 جولائی (اے پی پی) پاکستان تے مالدیپ ڈو طرفہ تعاون تے عوامی سطح تے رابطے کوں مزید مستحکم بنڑاونڑ دے عزم دا اظہار کریندے ہوئیں امہ دی یکجہتی کوں تقویت تے بین الاقوامی سطح تے اسلام دی حقیقی اقدارکوں ودھا را ڈیونڑ تے اتفاق کیتا ہے جڈاں جو مالدیپ دے صدر عبداللہ یامین عبدالقیوم اسلام آباد اچ سارک سربراہ اجلاس دی میزبانی سانگے پاکستان دی حمایت دا اعلان کیتا ہے ۔ایں امر دا اظہار وزیراعظم نواز شریف دے ترائے ڈینھ دے دورہ مالدیپ دے چھیکڑ تے اسلام آباد تے مالدیپ دے صدر عبداللہ یامین عبدالقیوم دی دعوت تے 25توں 27جولائی تئیں مالدیپ دا دورہ کیتا وزیراعظم مالدیپ دے 52ویں یوم آزادی دی تقریبات اچ مہمان خصوصی دی حیثیت نال شرکت کیتی تے مالدیپ دے عوام تے حکومت کوں انہاں دی آزادی دے پر مسرت موقع تے مبارخ ڈتی ۔علاقائی تعاون دے ضمن اچ وزیر عظم محمد نواز شریف اتے صدر عبداللہ یامین سانجھی اہمیت دے امور تے علاقائی تے بین الاقوامی امور تے فورماں تے ڈوہیں ملکاں وچال نیڑے تعاون تے معاونت کوں نوٹ کیتا ۔ڈوہیں رہنماواں بشمول جنوبی ایشائی تنظیم علاقائی تعاون (سارک) دے ذریعے جنوبی ایشیاء دے ملکاں وچال تعاون دے مزید فروغ تے اتفاق کیتا ۔ ایں سلسلے اچ صدر عبداللہ یامین اسلام آباد اچ سارک سمٹ دی میزبانی سانگے مالدیپ دی حمایت دااعادہ کیتا۔اعلامیے دے مطابق مالدیپ اتے پاکستان وچال باہمی افہام و تفہیم ، خیر سگالی اتے بھائی چارے تے مبنی تاریخی اتے نیڑے تعلقات استوار ہن۔ دورے دے دوران وزیر اعظم نواز شریف صدر عبداللہ یامین دے نال باضابطہ مذاکرات کیتے تے ڈو طرفہ تعاون تے عوامی سطح تے رابطے کوں مزید مستحکم بنڑاونڑ دے طریقے تے گالھ مہاڑ کیتی ۔ڈوہیں رہنماواں علاقائی اتے بین الاقوامی فورماں تے تعاون کوں مزید ودھاونڑ دے طریقے تے گالھ کیتی۔دورے دے دوران کئی ایم او یوز/ معاہدیں تے وی دستخط کیتے گے جیں دا مقصد سیاحت ، موسمیاتی تبدیلی ، تجارت ، تعلیم اتے سول سروس تے سفارتکاراں دی استعداد کار ودھارے دے شعبے کوں ودھارا ڈیونڑ ہے ۔
پاکستان تے مالدیپ دے سانجھے علامیے اچ ڈو طرفہ تعاون تے عوامی سطح رابطے کوں مزید مستحکم بنڑاونڑ دے عزم دا اظہار
مضمون کا ماخذ : jogos de raspadinha
متعلقہ مضامین
.jpg)
