اسلام آباد 28 اکتوبر (اے پي پي) د اطلاعات او خپرونو وفاقي وزير چوهدري فواد حسېن وئېلي دي د ماضي حكومتونو لويې قرضې اخستي٬د ادارو بېړه ئې غرقه كړې٬د تېرو حكومتونو د اغستو قرضونو ستنولو او په نړيواله كچه د ضروري څيزونو بيعې زياتېدو په سبب نن عام وګړے د ستونزو سره مخ دے٬تنخاداره طبقه د ګرانۍ څخه زياته ځپلې شوې ٬تېر كال مونږ لس اربه ډالره قرض واپس كړے او سږ كال به دولس اربه ډالره واپس كوو٬ د 1947 نه تر 2008 په پاكستان ټول قرض 6 زره اربه روپۍ ؤ كوم چې د 2008 نه تر 2018 په لسو كلونو كښې 23 زره اربه ډالره ته رسېدلے٬ چې كله پور زياتېږي او خرڅونه زياتېږي نو هېواد غريب كېږي٬پي ټي وي يوه مهمه اداره ده٬د پي ټي وي ملازمان زمونږ د سر تاجونه دي٬د كاركنانو په مخنت نن پي ټي وي يوه ګټوره اداره جوړه شوې٬د دې خيالاتو څرګندونه د زيارت په ورځ د پي ټي وي سينټرل ايمپلائز يونين (مشعل) د سوګند پورته كولو دستورې ته وكړه۔ده ووئيل مونږ به بيا هم دغسې په خوارۍ او محنت خپل كار روان ساتو او خپلې ذمه وارۍ به په غوره ډول ترسره كوو۔ده ووئيل هېواد مخ په وړاندې بوتللو له لپاره امن ضرورې دے د امن نه بغېر پرمختګ ممكن نه دے۔ ده ووئيل د كووېډ د لاسه په نړيواله كچه د سپلائي لړۍ ځپلې شوي چې ورسره په ګرده نړۍ كښې ضروري څيزونه ګران شوي۔چوهدري فواد حسېن ووئيل نن د ګرانۍ نه تنخاداره طبقه تر ټولو زياته ځپلې شوې٬د تنخادارو په تنخاګانو كښې د ګرانۍ په تناسب زياتوالې نه دے شوے۔ده ووئيل په پاكستان كښې تېل نه پېدا كېږي٬د ګاز پنګې هم په كمېدو دي٬مونږ ته تېل او ګاز د بهر نه راغوښتل پغاړه كېږي٬په ماضي كښې ګرانې لوظ نامې شوي٬په زياته بيعه فيول اغستو سره برېَښنا جوړه كړې شوې٬ده ووئيل كه په هېواد كښې پيسې وې نو مونږ به په سبسډي وركولو خلك د ګرانۍ د اثراتو څخه ساتلي وو۔د اطلاعات وزير ووئيل د 1947 نه تر 2008 په پاكستان ټول پور 6 زره اربه روپۍ ؤ ٬په دغې كښې مونږ موټروے جوړه كړې٬ګوادر هم اغستې٬خپل پوځ هم قوي كړے او ادارې مو جوړې كړي۔ده ووئيل په 2008 كښې چې كله زرداري صدر شو او په 2018 كښې د(ن)ليګ حكومت اقتدار پرېښودو نو په مونږ پور 23 زره اربه روپۍ ؤ ۔ ده ووئيل تېر كال مونږ 10 اربه ډالره قرض بېرته واپس كړے او سږ كال به 12 اربه ډالره ستنوو۔ده ووئيل چې قرض زيات وي خرڅونه زيات وي نو كور د ستونزو سره مخ وي۔دغسې چې په هېواد پور زيات وي او خرڅونه زيات وي نو هېواد غريب كېږي۔ده ووئيل تېر كال مونږ لس اربه ډالره پور واپس كړے او سږ كال به 12 اربه ډالره وركوو ٬ په داسې به د اولس لپاره څه پاتې شي٬د دې ټول صورتحال ذمه واري د تېرو حكومتونو جوړېږي ۔ده ووئيل د ماضي حكومتونو د ادارو بېړه غرقه كړې٬مونږ نزدې 88 سي اي اوز او منيجنګ ډائرېكټرز لګولي٬په دې كښې يو كس هم د مېرټ نه بغېر نه دے لګولے شوے۔ده ووئيل ادارې چې په خپلو پښو اودرېږي نو ملازمان به هم خوشحاله شي۔نن پي ټي وي د ملازمانو په وجه ترقي كوي٬مونږ لس كاله پس د پي ټي وي د ملازمانو تنخاګانو كښې اضافه وكړه۔د اطلاعات وزير ووئيل د پي ټي وي د ګروپ 5 او 6 ملازمانو پرموشنز لپاره بورډ جوړ كړے شوے۔د ګرېډ 4 او نورو ملازمانو كوم چې د نوكرۍ په مهال په حق رسېدلي د هغوي وارثانو ته به په تقررۍ كښې پام لرنه كولې شي۔ده ووئيل د غوره كاركردګۍ څرګندونه كوونكو ملازمانو له به د بونس وركولو پالېسي شروع كوو۔د دې نه وراندې وفاقي وزير د پي ټي وي سينټرل ايمپلائز يونين نوو ټاكلو شوو عهديدارو نه سوګند واخست او دوي له يې په نوو ذمه وارو مباركي وركړه
د ماضي حكومتونو لويې قرضې اخستي٬د ادارو بېړه ئې غرقه كړې٬د تېرو حكومتونو د اغستو قرضونو ستنولو او په نړيواله كچه د ضروري څيزونو بيعې زياتېدو په سبب نن عام وګړېے د ستونزو سره مخ دے۔د اطلاعات او خپرونو وفاقي وزير چوهدري فواد حسېن
مضمون کا ماخذ : فائر جوکر
متعلقہ مضامین
