قاہرہ۔19دسمبر (اے پی پی) پا??ستان اتے بنگلہ دیش ݙوپاسہ تعلقات اچ اڄوکی پیش رفت اتے ودھدے ہوئے اعلیٰ سطح دے رابطیاں تے اطمینان کریندیں ہوئیں سارے شعبیاں اچ تعاون ودھاوݨ تے اتفاق کیتے۔ خمیس ک??ں وزیراعظم آفس دے میڈیا ونگ توں جاری بیان موجب وزیراعظم محمد شہباز شریف اتے عوامی جمہوریہ بنگلہ دیش دے چیف ایڈوائزر پروفیسر ڈاکٹر محمد یونس وچال ڈی ایٹ سربراہ اجلاس دے موقع تے ملاقات تھئی۔ اے ملاقات پا??ستان اتے بنگلہ دیش وچال اڄوکی خیرسگالی اتے برادرانہ تعلقات کوں نشابر کریندے۔ وزیراعظم محمد شہاز شریف ملاقات اچ ݙوہیں ملکاں وچال تاریخی، مذہبی اتے ثقافتی رابطے اجاگر کریندیں ہوئیں ݙوپاسہ تعاون خصوصی طور تجارت، عوام وچال رابطے اتے ثقافتی تبادلیاں بارے پا??ستان دی خواہش کیتی۔ وزیر اعظم شہباز شریف اقتصادی تعاون دے نویں راہ ڳولݨ کیتے سانجھی کو??شاں تیز کرݨ خصوصی طور کیمیکلز، سیمنٹ کلینکر، آلات جراحی ، لیدر مصنوعات اتے آئی ٹی سیکٹر دے شعبیاں اچ تجارت ودھاوݨ تے زور ݙتا۔ وزیراعظم شہباز پا??ستان اتے بنگلہ دیش وچال تجارت اتے سفر دے سہولت کیتے اڄوکے اقدامات تے بنگلہ دیش دا شکریہ ادا کیتا جئیں اچ پا??ستان توں آوݨ آلے سامان دے سو فیصد فزیکل معائنہ دی شرط کوں ختم کرݨ اتے ڈھاکہ ایئرپورٹ تے پا??ستانی مسافراں دی پڑتال کیتے ٻݨائے ڳئے خصوصی سکیورٹی ڈیسک کوں ختم کرݨ شامل اے۔ وزیراعظم پا??ستانی ویزا دے درخواست دہندگان کیتے ودھیکی کلیئرنس دی شرط ختم کرݨ تے بنگلہ دیش دا شکریہ ادا کیتا۔ ݙوہیں رہنماواں عوام توں عوام وچال رابطے اتے ثقافتی تادلے دی اہمیت کوں تسلیم کیتا جئیں اچ فنکار، کھڈاری، ماہرین تعلیم اتے طلباء شامل ہن۔ ݙوہیں رہنماواں بنگلہ دیش دی کرکٹ ٹیم دے دورہ پا??ستان اتے پا??ستانی فنکاراں دے ڈھاکہ اچ کنسرٹ کراوݨ تے اطمینان کیتا۔ ݙوہیں رہنماواں ڈی ایٹ سودھے مختلف کثیرالجہتی فورمز دے تعاون ودھاوݨ تے اتفاق کیتا۔
وزیراعظم محمد شہباز شریف اتے بنگلہ دیش دے چیف ایڈوائزر ڈاکٹر محمد یونس وچال ملاقات، سارے شعبیاں اچ تعاون ودھاوݨ تے اتفاق
مضمون کا ماخذ : لاٹری کا انعام کیسے حاصل کریں
متعلقہ مضامین
