اسلام آباد ۔ 3 مئی (اے پی پی) صدر مملکت ممنون حسین آکھیا اے جو ہنڑ ویلھا آگے جو مسلم امہ دہشت گردی نال نبڑنڑ سانگے مشترکہ حکمت عملی اختیار کرے کیوں جو دہشت گرد اپنڑے گمراہ کن نظریات دی وجہ توں اسلام کوں بدنا?? کری??دے پن۔صدر مملکت اے گالھ قطر دے سفیر سقربن مبارک المنصوری نال گالھ مہاڑ کری??دے ہوئیں کیتی جنہاں ایوان صدر اچ انہاں نال منگل کوںملاقات کیتی ۔صدر مملکت آکھیا جو اسلام امن دا دین ہے جیرھا جو انسانی جان دی حرمت تے یقین رکھی??دے اتے بے گناہ لوکا?? دے قتل دی اجازت نی ڈیندا ۔انہاں آکھیا جو گمراہ کن عناصر خونریزی کرتے اسلام کوں بدنام کیتے جیں نال نبڑنڑ سانگے اسلامی ملکاںکوں رل تے کم کرنڑاں چاہیدے ۔انہاں آکھیا جو مسلمان ملکاں کوں ہک ڈوجھے دیاں صلاحیتاں توں فائدہ چاونڑاں چاہیدے اتے مختلف شعبیں اچ چنگاں تعاون کرنڑاں چاہیدے ۔صدر مملکت ڈوہیں ملکاں وچال تجارت دے ودھارے تے زور ڈتا اتے پاکستان ہنرمند تے غیر ہنر مند کارکنا?? دے در آمد دے فیصلے قطر دی حکومت دے فیصلے دا شکریہ ادا کیتا ۔انہاں 2020اچ فیفا ورلڈ کپ دی میزبانی تے قطری سفیر کوں مبار ک بادڈتی جیرھا جو عالمی برادری اچ قطر دا وقار مزید اچا تھیسے ۔قطر دے سفیر ایںموقع تے آکھیا جو پاکستان اچ حالات تکھے چنگے تھی??دے پئے ہن اتے قطر دے سرمایہ کار پاکستان اچ سرمایہ کاری اچ دلچسپی رکھی??دے ہن ۔
صدر مملکت ممنون حسین دی قطر دے سفیر سقربن مبارک المنصوری نال ملاقات
مضمون کا ماخذ : لاٹری جیتنے کی گائیڈ
متعلقہ مضامین
