اسلام آباد۔24فروری (اے پی پی): دفاع وزير خواجه محمد آصف د ماضي شوو تېروتنو ازالې او د اوسني بحران حل لپاره د عدالت عظمیٰ لخوا د فل کورټ جوړولو په ضرورت زور راوړلو سره وئېلې دي هېواد د كوم بحران متحمل كېدے نشي ،د قانون او آئین په پیروۍ کښې د بحران حل کول د عدلیه او زمونږ د ټولو فرض او قرض دے ، ”جیل بھرو”فلم فلاپ شو اوس ”ډوب مرو”فلم دې وچلولے شي ۔د جمعې په ورځ د قامي اسمبلی غونډه كښې ده ووئېل دا وخت د سپریم کورټ په وړاندې د يو ازخود نوټس تر مخه څو پوښتنې اېښودلې شوي د كومو جوابونه به چې سپریم کورټ كښې وركولے شي، په دې كښې سیاسي ګوندونه ، حکومت،الیکشن کمیشن، بارکونسلز او بارایسوسی ایشنز هم فریق دي ،د اهمیت لرونكې مقدمه شروع شوې ، د دې اثرات په موجودہ حالات نه بلکہ د سباون په سیاسي حالات مرتب كېدے شي ۔ ده ووئېل ښه خبره دا ده چې د 9 ججانو بینچ جوړ كړے شوے خو د يو سیاسي ورکر په توګه به د ادب ا واحترام سره اووائيم چې دا مسئله فل کورټ غواړي ، ټول سپریم کورټ دې د دې مسئلې حل ولټوي او د فریقین څخه دې پوښتنه وكړي او داسې حل دې وركړي چې نه يواځې راتلونكې وخت له تریاق وي بلکه د مرض هم بندوبست وكړي۔ ده ووئېل زه قانون، آئین اورروایات ماتول نه غواړم او نه تنقید كول غواړم، يوه ګېله لرلې شي چې يو سیاسی ورکر د عدلیه په نوم اغستو تنقید کوي ، په جسټس منیر تنقید كېږي خو په جسټس کارنیلیس تنقید نه كېږي ؟ داسې ولې کېږي چې په جسټس ارشاد حسن او ریاض شیخ تنقید كېږي خو په سعید الزمان صدیقی او ناظم صدیقی نه ؟ د پانامه په ججز ولې تنقید كېږي چا چې د نوازشریف په خلاف ریمارکس وركړي ؟ ثاقب نثار او د کھوسه نام اغستلے شي خو د جسټس تصدق جیلانی نه ؟ ده ووئېل په پارلیمنټرین تنقید کېږي خو وجوہات بیانول زمونږ حق هم دے ،۔ده ووئېل كومې پوښتنې جې مرتب كړې شوي په دغه كښې يوه د بینچ لخوا شوې چې كومې دوه صوبائي اسمبلۍ تحلیل شوي د دغې ولې تجزیه ونه كړې شي ۔ یا د دغې نه وړاندې لاړ شو چې كله 63 اے بيا وليكلے شو ۔ ده ووئېل د ماضي په واقعات كښې چې كوم ككړ وو د هغوي اعترافات هم رامخې ته شوي چې په پانامه كښې د نوازشریف سره څه شوي ،د نواز شریف سره جې كوم زیاتي شوي ، د هغه حکومت فارغ کړے شوے او هغه تاحیات نااہل كړے شوے ٬ كومه داسې ادارہ ده د كومې غړي جې كومه بله ادارہ تاحیات نااہله كوي ، دا قانون او روایت جرته دي ؟ ده ووئېل د پي ټي آئي لارښودو او او شاہ محمود وئېلې وو چې تجاوز شوے ؤ ځكه زما درخواست دے چې پورا بینچ جوړ كړے شي او د پانامه نه پېل وكړے شي ۔ دفاع وزير ووئېل مونږ په قانوني توګه د عدم اعتماد حق استعمال کړے خو ورسره اسمبلۍ ماتې كرې شوې ، دغې نه پس 63 اے ری ډیفائن کړے شو ، مونږ هېواد د آئین او قانون تر مخه چلول غواړو ، دا هېوا د اولس دے د اشرافیه نه دے ، ده ووئېل اولس وائې چې ایم این ایز کروړونه روپۍ اخلي خو حقیقت دا دے چې زمونږ لپاره تانګه نه اودرېږي ، اشرافیه لپاره ټریفک ايسارولے شي ، زمونږ يو لاکھ 68زره تنخواہ ده ، مونږ کروړونه اربونه روپۍ نه اخلو ، ده ووئېل داسې ایم این ایزهم شته څوك چې د لاجز نه پیدل راځي٬ ده ووئېل په 75 كالو كښې يواځې د سیاستمدارو احتساب شوے ، پرویز الهي پخپله ماته وئېلې چې د يو بیوروکریټ د لور په واده كښې يو ارب 20 کروړه سلامي راغونډه شوې ، ايا چا د دغې بیوروکریټ نه پوښتنه كړې ۔ ده ووئېل شاہ محمود قریشي د يوې ورځې زندان نه پس د ضمانت لپاره په عدالت كښې دے ، زمونږ خو به 90 ورځې ریمانډ ؤ ۔
د بحران حل کولو لپاره د عدالت عظمیٰ لخوا د فل کورټ جوړولو ضرورت دے ، ”جیل بھرو”فلم فلاپ شو اوس ”ډوب مرو”فلم دې وچلولے شي، د دفاع وزير خواجه محمد آصف قامي اسمبلی كښې د خیالاتو څرګندونه
مضمون کا ماخذ : کمپیوٹر لاٹری کے نمبر
متعلقہ مضامین
.jpg)
.jpg)
.jpg)
