اسلام آباد۔22اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو تحریک انصاف انتشار د?? شکار اے، او اپݨی اندرونی دھڑا بندی کوں پارلیمنٹ دے کھاتے اچ نا پاوے، پی ٹی آئی آئینی ترمیم دے مسودے تے مذ??کرات کیتن، ڄیکر کوئی اعتراض ہا تاں مذ??کرات اچ کیوں ٻیٹھن؟ قومی اسمبلی اجلاس اچ الیندے انہاں آکھیا جو 26 ویں آئینی ترمیم دی منظوری اچ سارے قانونی عوامل پورے کیتے ڳن، ہک سیاسی اتفاق کیتا ڳئے اتے کوئی عجلت نئین ݙکھائی اتے مشاورت کیتے ݙو ݙھائی مہینے لڳن، تحریک انصاف دے رہنماواں مولانا فضل ال??حم??ن نال پریس کانفرنس اچ آپ منیے جو 90 فیصد تحفظات دور تھی ڳن، پی ٹی آئی دے آکھݨ تے ݙو شقاں وی کڈھیاں ڳن۔ انہاں آکھیا جو پی ٹی آئی نا پارلیمانی پارٹی دا اجلاس کیتے نا ارکان کون ووٹنگ دا ݙسائے، جیڑھے ارکان ووت پاتے او تاں آزاد ارکان ہن ڄیکون کوئی ہدایات ہن نا کوئی قانونی نوٹس بھیجیا ڳئے، میڈیا انہاں ارکان کوں سُنڄاتے ٻھل پی ٹی آئی ایکوں متنازعہ ٻݨا تے ارکان دے اغوا تھیوݨ دا الزام لائے، چارے ارکان اپݨے ضمیر تے بغیر ݙر و خوف دے مرضی نال ووت ݙتے۔ انہاں آکھیا جو تحریک انصاف دے لوک ڳالھ مہاڑ اچ شامل ہن اتے اپݨی مرضی نال مذ??کرات کیتن، مسودہ کوں متفقہ ݙتے اتے آکھیے جو 90 فیصد اتفاق تھی ڳئے بعد اچ مکر ڳن اتے اپݨے کوں اندھارے اچ رکھیے، ہݨ انہاں توں پچھ ڳچھ تے اپݨی ٻھیڑی پارلیمان دے سر سٹݨ دی کوشش کریندے پن، تہاکوں شوق ہا تاں مذ??کرات کریندے نا آئینی مسودہ تے ڳالھ کریندے، ول ول کیوں مولانا فضل ال??حم??ن دو ویندے رہے او؟ تساں اپݨی مرضی نال پارلیمانی کمیٹی کیتے ناں وی ݙتن ول آئے وی نئیں، پی ٹی آئی دے کئی گروپ ٻݨ چکین، اے پہلے اپݨے معاملات درست کرن، آئینی ترمیم تاریخی دستاویز اے جیڑھی اتفاق رائے نال منظور تھئی اے جیندا فیدہ عوام کوں تھیسی۔
پی ٹی آئی اپݨی اندرونی دھڑا بندی کوں پارلیمنٹ دے کھاتے اچ نا پاوے، وفاقی وزیر عطاء اللہ تارڑ
مضمون کا ماخذ : apostas quina
متعلقہ مضامین
