اسلام آباد۔15ستمبر(اے پی پی) وفاقی وزیر منصوبہ بندی احسن اقبال آکھیے پاکستان دا روشن مستقبل جمہوری عمل دے تسلسل اتے اداریں دے استحکام نال جڑیا اے ، ا??اکوں سانجھے اختلافات بھلا تے جمہوری اداریں کوں تکڑا کرݨا ہوسی ، ماضی اچ ول ول جمہوری عمل اچ تعطل پیدا کیتا ڳیا جیں دا نتیجہ سیاسی عدم استحکام، معاشی بدحالی دی صورت اچ ساݙے سامݨے اے ، ا??اں ساریں کوں رل تے جمہوری عمل دے ودھارے تے معاشی ترقی سانڳے کم کرݨا ہوسی ۔ وفاقی وزیر منصوبہ بندی احسن اقبال یوم جمہوریت تے آپݨے بیان اچ آکھیے ترقی دا کوئی وی شعبہ ہووے اڄ عالمی مسابقیت اچ پاکستان ٻہوں پچھوں اے ، ا??اکوں محنت، جد??، معیار ??تے علم تے مبنی معیشت کوں ودھارا ݙے تے ترقی دا رستہ چݨݨا ہوسی ، جدید دنیا دا ایہو تصور جمہوریت اے جو ترقی دے عمل اچ کوئی وی پچھوں نہ رہ ونڄے۔ وفاقی وزیر آکھیے ملکی تر??ی اچ شفافیت اپنا تے معاشرے دے سارے طبقیں تے زندگی دے شعبیں نال تعلق رکھݨ آلے لوکاں کوں رلے گھن تے ٹرݨ ہی جمہویرت دی حقیقی روح اے انھاں آکھیے اساں اقتدار ??چ آندے ہی پارلیمان دے اندر اتے ٻاہر پاکستان سانڳے درد رکھݨ آلے پڑھئے لکھیے لوکاں نال مشاورت شروع کیتی ، 2022 اچ ھک ہزار ??وں ودھ اندرلے تے ٻاہرلے ملک رہݨ آلے مختلف زندگی دے شعبیں نال تعلق رکھݨ آلے ماہرین نال مشاورت دے نتیجے اچ 5 ایز فریم ورک بݨایا ۔ اڄ ایز 5 ایز فریم ورک دی عملی تنفیذ سانڳے اساں 13ویں پنج سالہ منصوبے کوں چھیکڑی شکل ݙیوݨ دے حتمی مرحلے اچ داخل تھی ڳیوں ، ا??اں ایں سانڳے نجی، کاروباری اتے سماجی شعبیں نال تعلق رکھݨ آلے ماہرین دا پالیسی بورڈ بݨائے تاں جو ترقی سانڳے کوئی پہلو وی پچھوں نہ رہ ونڄے ۔ ساݙا پکا عزم اے پاکستان کوں 2035 تئیں ھک کھرب ڈالر دی معیشت بݨیسوں ۔ اساکوں اے پورا کرݨ سانڳے جمہوری استحکام اتے پالیسیاں دے تسلسل دی لوڑھ اے۔
